حماتى كل ليله بتعمل حاجه غريبه بقلم هويدا زغلول
اكيد انا ما قولتش والله حاجه
وتلاقيها هي اللي اخدت الفلوس وعايزه تدبسني
انا في الموضوع ده انا ما عملتش حاجه..
سيد
بس انا ما جيبتش سيرة هي قالت ايه
وكلامك ده اكبر دليل انك انتي
اللي قولتي عليا كده
رقيه بدموع
شايف ابوك يا وليد وانا قولت كده عشان مرات
اخوك في العزا قالت ليا انها شافتك زمان
جايه تقول ان انا اللي قولت كده..
وليد
المفروض يا بابا تصدق ماما وما تزعلش مني من امتي مرات عمي ولا عمي نفسه بيحبنا لو سمحتي يا ثريا خدي ماما جوه...
_ ودخلت جوه واخدت حماتي معايا اللي كانت مدايقه جدا وانا قولتلها..
ثريا
خلاص بقي يا طنط حصل خير وعمي تلاقي بس اعصابه بايظه بسبب اللي حصل لاخوه.
انتي هتقعدي ترغي معايا قومي اعملي ليا كوباية لمون تروق اعصابي يلاا..
ثريا
حاضر يا طنط علي طول اهو هعملك لمون... وبره قال حمايا لوليد..
سيد
امك تصرفاتها مش مظبوطه يا ابني امك عماله تلف وتدور عليا..
وليد
للدرجه دي كلام مرات عمي ماثر فيك يا بابا والله انت ظالم امي وجدا..
سيد
_ قال كده وقام دخل جوه غير هدومه ونام من غير ما بتكلم معاها وفي اوضتي انا ووليد كان زعلان جدا وقال..
وليد
هما صغيرين عشان يعملو كده انا بجد. تعبت..
ثريا.
طنط حلوه اووي يا وليد واحلي من بنات البومين دول وابوك بيغير عليها جدا..
خلاص خلاص تعالي بس ننام انا مش فاضي وعندي شغل الصبح بدري اوووي..
_ وتاني يوم طلع عمي من اوضته وانا كنت بجهز الفطار وقولت ليه..
ثريا
صباح الخير يا عمي تعالي اقعد افطر وانا خلاص مش باقي غير الفول هجيبه واجيلك..
سبد
صباح النور يا بنتي علي مهلك انا اصلا ما ليش
نفس وفطر افطري انتي وجوزك وحماتك
ثريا
طيب يعني هو ينفع تخرج كده من غير فطار
طيب كل حاجه خفيفه بسرعه..
سيد
معلش يا بنتي والله مش قادر... وطلع بره وبعد. شويه كنا انا ووليد بنفطر وطلعت حماتي..
رقيه
انتي ليه ما جيتيش تقولي ليا افطر معاكم
انتي ما عندكيش ذوق... اتملت عيوني دموع ووليد قال..
وليد
هي كانت جايه تصحكي وانا اللي قولت ليها
تسيبك احسن تكوني نايمه..
رقيه
خليك انت كده دافع عنها براحتك..
بس انا ليا كلام تاني مع ابوك لما يرجع... ودخلت جوه..
ثريا
شايف اهي هي كده علي طول علي الحال ده..
وليد
معلش يا ثريا برضو اللي بابا بيعمله معاها مش
قليل انتي بلاش تتعاملي معاها غير لما اكون انا في البيت..
ثريا
حاضر يا حبيبي اللي تشوفه انا هعمله..
_ وجوه الاوضه كلمت رقيه حسين وقالت ليه پحده..
رقيه
اهلا بقي كده كنت هتوديني في داهيه امبارح..
حسين
هو ايه اللي حصل اصلا اما لما سمعت صوت جوزك قغلت الموبيل كله..
رقيه
فكر ان في حاجه بيني وبينك وانا قولت ليه
انك مستلف مني فلوس وعايز ترجعهم..
حسين ضحك وقال
والله انتي رهيبه وهو صدقك المغفل..
رقيه
اوعي تغلط فيه يا حسين ده احسن راجل في الدنيا انا اللي ما استاهلش اكون معاه ولا اكون ام لابني..
حسين
لااا بقي الكلام ده ما بنفعش دلوقتي والا الفديو
اللي مصوره ليكي وانتي بتاخدي الفلوس من محل الهدوم هيتنسر علي النت....
رقيه
خلاص. الله يا حسين بقي المهم انت عايز ايه دلوقتي..
حسين
ايوه هو ده الكلام بصي يا قلبي العمليه الجايه علي هقد الماظ..
رقيه
يا نهارك مش فايت ازاي بعني هاخد عقد من رقبة واحده..
حسين
هستناكي تجيلي عشون اديكي التفاصيل
عارفه لو مجتيش انا هزعل منك اووي يا حبيبتي
وانتي اكتر واحده عارغه انا لما بزعل بعمل ايه..
رقيه بدموع
طيب جايه يا حسين شويه وهكون عندك..
_ وفعلا بعد شويه لقيت حماتي طالعه واما كنت بمسح في الشقه وبصت ليا وقالت..
رقيه
هو انتي ومن كتر الفضي قالبه الشقه كده..
ثريا
انا بروق يا حماتي في الشقه مش فاضيه خالص والله انتي عايزه حاجه اعملها ليكي..
رقيه
لا مش عايزه بس انا طالعه ولو عمك رجع قوليلو اني نزلت اجيب طلبات البيت..
ثريا
بس يعني اا..
رقيه
دي اول مره اطلب منك حاجه يا ثريا هتقولي ليا لا..
ثريا
حاضر يا طنط اللي انتي عايزاه انا هعمله..
_ونزلت رقيه واخدت تاكسي عشان تروح لحسين وكان سيد ماشي وراها فتح حسين الباب ودخلت رقيه وقفلت الباب
