جوزى طلقنى
ده يا اسامة ولا متعرفش
أسامة
ملكيش دعوة بمراتي انا مكفيها ومكفي البيت هي هتبقا عايزة ايه اكتر من كده وبعدين انا هتجوزك ونروح شقه تانية
نانسي
ولا شقه تانية ولا تالته يا اسامة لو سمحت متفتحش معايا الموضوع ده تاني
خرج سيد من الاوضة وقال لهم
هو انت عايز تتوجوزها ڠصب عنها يا اسامة ماتسبوها على راحتها الله ايه الناس
هو انت ياجدع كل ماتكلم مع امي الاقيك بتتدخل في حاجة ليه ماتخليك في حالك ملكش دعوة بينا
سيد
انتي سامعه ابنك بيقول ايه ياسوسو انا ساكت عشان انتي ياحبيبتي
الام
معلش ياسيد متاخدش في بالك أسامة مايقصدش
أسامة
لا اقصد ياما خليه ميدخلش في اي حاجة بتحصل في البيت ده لحسن والله هايشوف مني وش تاني خالص
وقال كلامه ده وسابهم ومشي
الحما
على ياحبيبي يابني حمد الله على السلامة ياغالي نورت بيتك ياضنايا ايه المفاجأة الحلوه دي
على
ازيك يا أمي انتي عامله طمنيني عليكي انا قولت اجي من غير ماعرف حد اني جيت دي حتى فرحة ماتعرفش اني جاي
الام
انت نورت بيتك والدنيا كلها ياحبيبي ياغالي
ايه الاخبار انتو عاملين ايه والبنات وفرحة عامله معاكي ايه احكي لي
وفضلت حماتي تتكلم معاه كتير وبعدين على قال لها
علي
طيب انا هطلع بقا اشوف مراتي وعيالي مش عارف الصدمة اللي فرحة هتبقا فيها
وهو خارج من باب الشقه قابل مرات اخو وقالت له
مديحه
مين على حمد الله على السلامة انت رجعت امتى ده محدش قال يعني أنك جاي لا بصراحة ملهاش حق فرحة انها تخبي علينا
ماهي فرحة متعرفش اني جاي يامديحة انتي عامله وعماد اخويا انتو كويسين
مديحة
احنا بخير ياخويا تسلم يارب
على
طيب بعد اذنك يامديحة عشان اطلع اسلم على مراتي والبنات
وطلع خبط على الباب وقولت
طيب حاضر جايه اهو ولقيته على قولت
على ياحبيبي حمد الله على السلامة انت جيت امتى ومقولتش ليه
خرجو البنات وفضل يهللو وقالو بابا جه بابا جه
الله يسلمك ياحبيبتي وحشتيني اوي وانتو كمان ياحبايب بابا وحشتوني اوي تعالو شوفو انا جبت لكم ايه
ودخل على والبنات كانو فرحانين برجوعه وانا كمان كنت فرحانة اوي وقولت له
كويس انك جيت ياعلي بصراحة البيت مكنش ليه طعم من غيرك
على
كان نفسي أفضل شوية كمان هناك عشان اعمل حاجة واجيب فلوس حلوه لكن معرفتش
فرحة
متزعلش نفسك يا حبيبي وكل شيء قسمة ونصيب وكله بإذن ربنا وكفايه انك رجعت لنا بالسلامة وموجود وسطينا
الحمد لله المهم انا ان شاء الله هنزل من بكرة اشوف شغل عشان مش نحتاج لاي حد خالص انا مش عايز حاجة تبقا نقصاكم ابدا
فرحة
ربنا يخليك لينا ياعلي ياحبيبي ويديك الصحة والعافية يارب بقولك ايه قوم انت غير هدومك وانا هادخل المطبخ احضر لك لقمة تأكلها يلا ياحبيبي
على
ايوه ده انا جاي هلكان بصراحه ونفسي اغير هدومي وارتاح شويه ودخل على اوضتنا وانا اتصلت بنانسي قولت لها
ايوه يانانسي بقولك ايه على رجع يعني مش هينفع تيجي هنا انتي وسي سيد بتاعك ده ماشي
نانسي
نعممم ياحبيبتي مش هينفع اجي يعني ايه دي شقتي ياماما وانتي وجوزك قاعدين عندي ضيوف يعني المفروض اجي اخرجكم بره الشقه
فرحة
ارجوكي يانانسي بلاش تعملي حاجة دلوقتي طيب خليها بعد يومين بس حتى يكون على ارتاح من السفر ده راجع من السفر ربنا اللي عالم بيه ده مفيش شغل خالص
نانسي
ماشي هما يومين مفيش غيرهم عشان انتي عارفه انه سيد مش بيقدر يبعد عني كتير ماشي
فرحة
حاضر حاضر يلا سلام دلوقتي
وخرج على من الحمام
